Талархал Дундговь аймгийн Хулд суманд хэрэгжиж байгаа “Говийн зэрэглээ” төслийг санаачлан говь нутгийн өвөрмөц соёлыг сурталчлан хадгалсан аялал жуулчлалын БРЭНД бүтээгдэхүүн үүсгэн байгуулж байгаад хувийн зүгээс болон Дундговьчуудынхаа нэрийн өмнөөс чин сэтгэлийн талархал дэвшүүлье. Монгол хүний оюун ухаан бүхнээс онцгой, тэр оюун ухаанаар бүтсэн бүтээл бүхэн олноос онцлог байж Дундговьчуудаас маань иноваци шингэсэн олон арван шинэлэг санал санаачлага төрөн гарна гэдэгт итгэлтэй байна.

Нутгийн иргэдийн оролцоонд тулгуурласан говийн хүмүүсийн өвөрмөгц ахуй амьдрал тэмээний соёлыг нийтэд сурталчлах, аялал жуулчлалыг хөгжүүлэх, малчдын орлогыг нэмэгдүүлэх олон талт цогц арга хэмжээ бүхий төслийг хэрэгжүүлэхэд сумын засаг дарга болон төр захиргааны байгууллага хамтран оролцож байгаадаа баяртай байна. Итгэлцэлд суурилсан сайхан ирээдүйг Хулдчууд бид хамтдаа бүтээнэ.